Barnehagen er ein gardsbarnehage, og med dette skal garden vera satsingsfelt. Me følgjer garden sitt årshjul med hausting, såing, siloslått, kalving, lemming etc. Me brukar ordet husmannspedagogikk når me skal forklara kva pedagogisk retning me heller til. Husmannspedagogikk handlar om å vera stolt av plassen sin, ta godt vare på den og utnytte alle ressursar. Det handlar også om gjestfrihet og omsorg, om kjærleik til naturen, forståinga for årstidene og kretsløpet og respekt for samspelet mellom naturen og menneska.